Samyang AF 35mm f/1.4 FE相片及規格流出
冇幾耐之前我哋就同大家做過一次Samyang同原廠Sony嘅兩支AF 35mm f/2.8鏡頭詳測同比較，估唔到Samyang方面咁快又推出多一支35mm鏡頭，而且亦係同原廠打對台嘅f/1.4光圈。唔知今次會唔會又搞到好多人心大心細買邊支好呢？
由流出嘅規格表可以見到，Samyang呢支擁有全自動對焦功能嘅FE接環鏡頭長度同原廠嗰支相近，但濾鏡直徑比較細，相信體積亦同樣係比較細。但重量方面就反而係Samyang呢一支重少少，真係有啲奇怪。雖然Samyang方面未有為AF FE呢個系列嘅鏡頭分等級，不過但按同時流出嘅MTF圖睇，其解像力可能比原廠嗰支差少少，但如果佢又係以非常有競爭力嘅價格推出，相信唔少人都會考慮轉投Samyang嘅懷抱。
來源：SonyAlpharumors
Search